शिवोलीत शिवरायांच्या पुतळ्याचे मुख्यमंत्र्यांचे हस्ते अनावरण
गोमंतभूमी न्यूज
म्हापसा : छत्रपती शिवाजी महाराज आपल्या सर्वांचे आदर्श आहेत. त्यांनी हिंदवी स्वराज्याची स्थापना केली. त्यांच्या विचारावर आधारित सुराज्य आणण्याची आपली जबाबदारी आहे आणि आपण त्यासाठी कार्य करत आहोत असे प्रतिपादन मुख्यमंत्री डॉ. प्रमोद सावंत यांनी केले.
शिवोली येथे फाल्गुन कृष्ण तृतीयेच्या शिवजयंतीनिमित्त समर्थन संघटना गोवा आणि शिवयोद्धा संघटनेच्या सहाय्याने उभारण्यात आलेल्या छत्रपती शिवाजी महाराजांच्या भव्य पुतळ्याचे त्यांच्या हस्ते अनावरण करण्यात आले. यावेळी ते बोलत होते.याप्रसंगी भाजप प्रदेशाध्यक्ष दामू नाईक, आमदार दिलायला लोबो उपस्थित होते.
