मिळालेल्या प्राथमिक माहितीनुसार, अल्पवयीन मुलीला फसवून नेल्याचा आरोप शिंदे याच्यावर ठेवण्यात आला आहे. या प्रकरणी पोलिसांनी कलम 363 (अपहरण) अंतर्गत गुन्हा दाखल केला आहे. घटनेची माहिती मिळताच कळंगुट पोलिसांनी तात्काळ कारवाई करत आरोपीला अटक केली.
सध्या या प्रकरणाचा अधिक तपास कळंगुट पोलिस करत आहेत. अपहरणामागील नेमके कारण, मुलगी कुठे नेण्यात आली होती, यासह इतर सर्व बाजूंनी तपास सुरू आहे. पोलिस सूत्रांनी दिलेल्या माहितीनुसार, लवकरच या प्रकरणात आणखी खुलासे होण्याची शक्यता आहे.
पोलिसांनी नागरिकांना अल्पवयीन मुलांच्या सुरक्षेबाबत सतर्क राहण्याचे आवाहन केले आहे.
